影片
更多
2022-08-07
125 浏览
家人休息一天唔煮饭，一齐出去食。平时都好少喺太安楼食饭，觉得附近啲环境唔系好干净，好多时都系买外卖。经过呢间餐厅，望落去几光鲜，铺面睇落干净，决定入去试一次。到达嘅时候大约7:00，舖头人唔多，大约有3～4台客人，陆续入嚟嘅食客亦都唔多，但系见到职员不停喺舖头来来回回，拎住啲外卖送去门口。餐厅主要做外卖单，会坐低食嘅客人唔多。我哋叫咗两个前菜，同一个主食。起司培根蛋饼 ($32)，食台湾嘢通常都会叫蛋饼，今次都唔例外。咬一啖发现同平时嘅蛋饼有啲唔一样，蛋好薄，而且馅料系夹青瓜丝😳😳😳！虽然我食青瓜，但系当佢出现喺蛋饼嘅时候，觉得唔夹😐士林盐酥鸡排配手工面 ($72)，面系粗面，口感好弹牙。如果唔想食面，可以转卤肉饭。鸡扒份量大份，可以分成4大件，无骨。不过一咬落去，温度系微暖🥲🥲更加唔洗讲系咪脆皮🥲从来无食过唔热嘅盐酥鸡🥲因为鸡扒冻咗嘅关系，令到层炸粉好厚、好腻🥲。食嘅时候，要将全部炸粉拎走，仲要用碗热汤浸暖啲🥲好失望⋯⋯甘梅地瓜条 ($26)，第一样落单嘅食物系地瓜条，但反而最后先到。即叫即炸，所以系热辣辣，成餐饭最好食嘅就系地瓜条。餐厅铺面干净，即使后门都唔马虎，通道宽敞干爽。服务
平时都好少喺太安楼食饭，觉得附近啲环境唔系好干净，好多时都系买外卖。
经过呢间餐厅，望落去几光鲜，铺面睇落干净，决定入去试一次。
到达嘅时候大约7:00，舖头人唔多，大约有3～4台客人，陆续入嚟嘅食客亦都唔多，但系见到职员不停喺舖头来来回回，拎住啲外卖送去门口。餐厅主要做外卖单，会坐低食嘅客人唔多。
我哋叫咗两个前菜，同一个主食。
起司培根蛋饼 ($32)，食台湾嘢通常都会叫蛋饼，今次都唔例外。
咬一啖发现同平时嘅蛋饼有啲唔一样，蛋好薄，而且馅料系夹青瓜丝😳😳😳！虽然我食青瓜，但系当佢出现喺蛋饼嘅时候，觉得唔夹😐
士林盐酥鸡排配手工面 ($72)，面系粗面，口感好弹牙。如果唔想食面，可以转卤肉饭。
鸡扒份量大份，可以分成4大件，无骨。
不过一咬落去，温度系微暖🥲🥲更加唔洗讲系咪脆皮🥲从来无食过唔热嘅盐酥鸡🥲
因为鸡扒冻咗嘅关系，令到层炸粉好厚、好腻🥲。食嘅时候，要将全部炸粉拎走，仲要用碗热汤浸暖啲🥲好失望⋯⋯
甘梅地瓜条 ($26)，第一样落单嘅食物系地瓜条，但反而最后先到。即叫即炸，所以系热辣辣，成餐饭最好食嘅就系地瓜条。
餐厅铺面干净，即使后门都唔马虎，通道宽敞干爽。服务好好，就算店铺好忙准备大量外卖单，职员好有礼貌。当职员帮其他食客加汤落火锅嘅时候，职员都会习惯用手挡一挡，以免热汤弹到客人。但可惜店舖嘅食物较为失色😟
张贴
