影片
更多
2024-06-08
382 浏览
6月首个星期六、日（1-2/6）南丰纱厂有朱古力甜品祭，于是同狗狗、狗狗爸爸专程过嚟，先俾低钱买晒所有心仪的朱古力甜品，跟住就揾嘢食同饮嘢。饮品特别想试呢间coffee shop ，除咗佢啲机器好似好架势外，店外仲有好多座位，可以人狗一齐坐。狗狗爸爸唔饮咖啡/茶，落单时店员提到冇smoothie，所以只好点一贯的冻朱古力。Cocoa dirty：本来想点dirty，店员推介有埋可可而且「无糖」的dirty，售价仲同dirty一样$42，兼可以转埋燕麦奶。店员介绍话饮品有4样材料：可可、咖啡、鲜奶同燕麦奶，而我就要求将鲜奶改为燕麦奶。不过，埋单后，店员再过嚟问我系咪对牛奶敏感，因为「朱古力入面有牛奶」，所以我估计有机会佢唔系用无糖可可粉冲，可能系用sweetened dark chocolate，至于实际系点样制作就唔太清晰。入口觉得系甜（店员表示的「无糖」，估计除咗可可外，无额外再添加糖），朱古力味明显，同时亦有咖啡味；饮品用纸杯装，欣赏唔到dirty的层次变化，不过，饮品送上冇耐，2种味道同埋奶亦经已混合咗。整体嚟讲，cocoa dirty平衡到朱古力同咖啡2种口味，而单用燕麦奶冲亦
饮品特别想试呢间coffee shop ，除咗佢啲机器好似好架势外，店外仲有好多座位，可以人狗一齐坐。狗狗爸爸唔饮咖啡/茶，落单时店员提到冇smoothie，所以只好点一贯的冻朱古力。
Cocoa dirty：本来想点dirty，店员推介有埋可可而且「无糖」的dirty，售价仲同dirty一样$42，兼可以转埋燕麦奶。店员介绍话饮品有4样材料：可可、咖啡、鲜奶同燕麦奶，而我就要求将鲜奶改为燕麦奶。不过，埋单后，店员再过嚟问我系咪对牛奶敏感，因为「朱古力入面有牛奶」，所以我估计有机会佢唔系用无糖可可粉冲，可能系用sweetened dark chocolate，至于实际系点样制作就唔太清晰。入口觉得系甜（店员表示的「无糖」，估计除咗可可外，无额外再添加糖），朱古力味明显，同时亦有咖啡味；饮品用纸杯装，欣赏唔到dirty的层次变化，不过，饮品送上冇耐，2种味道同埋奶亦经已混合咗。整体嚟讲，cocoa dirty平衡到朱古力同咖啡2种口味，而单用燕麦奶冲亦唔淡，几creamy，呢杯饮品比mocha更浓味。
Cocoa dirty
$42
11 浏览
0 赞好
0 留言
冻朱古力：超贵，$55！虽然我哋要求少冰，但送嚟时冰块占~1/3杯，已经心知不妙~~不过，讲番转头，店员系有俾心理准备我哋。落单时，除咗咖啡、茶，已经冇其他饮品选择，我问店员：「冻朱古力够唔够浓味？得唔得？」，佢面有难色，隐晦回应：「同一般差唔多~」呢杯饮品绝对差过茶餐厅，冰都未融已经系淡而无味，竟然卖$55，真系好离谱。建议唔饮咖啡的朋友索性饮水陪坐，千祈唔好乱点。
冻朱古力
$55
9 浏览
0 赞好
0 留言
总括嚟讲，店外座位多但排得密；咖啡好饮但体验一般，因店外所有食物、饮品一律用即弃餐具；店员服务唔错，真诚，唔会唔好饮话好饮；咖啡的价格公道，以南丰纱厂的消费嚟讲算系抵，但个冻朱古力太唔掂，送都唔想饮。。。
🐕狗狗食评：呢度冇咩啱我食，但我见到好多同伴，所以都开心。
张贴
