威仕頓餐廳 (已結業)

由门面睇落去，呢间只不过系一间普普通通嘅西餐厅，价钱平均大约喺$70-$90左右，佢d野都好食嘅，不过又未去到惊为天人啦($70-$90惊为天人嘅西餐厅都真系要非常惊为天人先可以惊为天人)，但系真系谂都无谂过，呢间西餐厅嘅冻柠檬茶可以做到咁惊为天人！当然，你可以话，一杯冻柠茶真系可以晓飞咩？系唔系只系你自己嘅口味比较奇特呀？的确，口味嘅野真系主观得好紧要，不过我自问亦好有求真之心，试过几次同唔同嘅朋友去会一会佢杯冻柠茶，一个二个试完之后，都异口同声咁样话佢杯冻柠茶好好饮，如果你地去开上环(近西港城)，不妨自己去试佢一试，睇下个味道如何。讲返佢d野食，我觉得招牌咖哩可以不理，牛扒真心普普通通，但系佢个厨师煮嘅意粉类又确系唔错，尤其是佢嘅炒意粉，值得一试。