鍋處

营业中

休息中

冬天一到，打边炉就系皇道，呢间锅处都几多人排队，虽然都7点半，但仍然有好多人等紧，要临走先影到门口。店内装修光猛，采用日系装修，以木材为主，比人一种柔和感。座位寛敞舒适，空间大冇压迫感，四周非常干净，唔错。餐厅分左定量套餐同任食放题，定量的话岩晒d胃口细嘅人，我觉得呢个set都几贴心。我地呢d平时吞开大笨象嘅当然系要任食放题啦，拣左个美国极黑和牛set，价钱相宜。欣赏呢度系一人一锅，汤底有寿喜烧、泡菜味噌、昆布铿鱼汤、九州猪骨、龙虾汤、飞鸟牛乳汤等，可以拣自己钟意嘅汤底，又卫生。我地拣左龙虾汤同昆布铿鱼汤，汤头都唔错嘅，虽然唔浓郁但都有龙虾香味。有前菜供应牛肉系任点的，同店员要求几多盒就可以。牛肉质素都好高，肉质鲜嫩，油脂平均，牛味香浓，够嫩又好重牛肉味。自助形式拎火锅配料，选择种类都算多，有唔同丸物、菇类同蔬菜，全部都好新鲜，蔬菜唔会干。饮品选择虽然唔多，但基本嘅汽水同茶都有。相比下甜品好吸引，有牛乳布甸、芒果布甸、和菓子、芝士饼同雪糕雪条，雪糕仲有movenpick，真开心。食饱行下outlet，冇野买都开心，可能远离市区，呢餐食得好满足，感觉好chill好舒服。