英王麵包店

营业中

休息中

因为家住美孚，故经常经过依一间「英王面包店」，不过帮衬嘅唔多，就算帮衬都喺买面包多，是夜突然想请老婆食蛋糕，所以，打算买两件冻饼返去一齐叹番吓。临近收铺，望望饼柜，冻饼剩番嘅款式真喺唔多，幸好所剩嘅几款都啱佢口味。小型包装盒，啱啱好装到两件冻饼，仲附上胶叉，不过，如知佢有埋胶叉就叫佢免送，反正拎番屋企食。蓝莓挞 $26店子有几款鲜果挞，包括芒果、蓝莓及士多啤梨，首选喺芒果，可惜无晒，只剩蓝莓，我哋都OK。有别一般鲜果挞，用上好多忌廉或吉士，个蓝莓挞只喺挞面有一抹薄薄嘅忌廉，依个更啱我老婆食，而挞底采用厚身嘅做法，加一层蓝莓酱，再铺上海绵蛋糕，所以，整体嚟讲好足料，吃完可以讲喺「好饱肚」，啲蓝莓亦好鲜甜，唯一毛病喺挞壳唔够脆。蓝莓芝士饼 $28反而，小弟较欣赏件蓝莓芝士饼多啲，单睇卖相做得甚有水准，芝士饼采用美国芝士位做法，薄薄嘅饼底，面层又烘得均匀，入口质感挺实而软熟，芝士味浓郁，底下一层蓝莓酱嚟得清甜不太抢，正正喺恰到好处，所以，先至较讨我哋欢心。两件饼睇到用料十足，做得大大件，每件都只喺廿零蚊，味道又做得唔错，确喺抵食。