美味佳 (已結業)

连续几晚都喺红磡芜湖街落车，今晚终于揾食揾到去美味佳。唔系呢头街坊，所以都唔知佢咁出名，只系每次行过都好多人喺门口等，我呢啲速食嘅朋友梗系调头走🙅🏻‍♀️今晚咁啱见到有单丁位，坐低谂住平食个3𩠌车仔面($30)连一杯自制凉茶，但见坐对面嘅大哥嚟咗𠮶几碟串烧都好似好正咁，加上成个场啲人都系食串烧多，我系咁意加咗一串牛同鸡全翼，唔好蚀抵😛见到碗车仔面，心谂，赖嘢，冇色嘅😵有图为证，见到都唔方好食🙈！以我无辣不欢嘅性格，我一定劲落辣椒油🌶🌶🌶我❤️谂，试一啖先落唔驶死嘅，就动手夹住粉食啦，哗🔊个汤底劲~~~正~~~呀😍😋😋😋好彩冇落到🌶油，如果唔系就嘥晒😅我本来见到佢滗埋嚿嘢落嚟，觉得奇怪，送到埋嚟先见到系🐷骨，原来个汤底系猪骨汤😋令到碗面🍜清甜又够味，猪皮入味，萝卜韮菜都🆗冇乜渣，系鱼蛋普通啲。串烧反而中规中矩，只鸡翼系烧得靓嘅，不过小辣，满足唔到我，下次都要加辣先😅😅