百芳池上便當 (大河道) (已搬遷) 新店位置

今日同屋企人去开荃湾Aeon Shopping, 见依间餐厅都几多人帮衬，就去试吓，结果有惊喜！我哋嗌左一个卤老鸡扒便当，调味啱啱好，鸡肉好滑，而且大大件好抵食。另外我哋仲嗌左个猪扒便当，猪扒都炸得好出色，好松软好香口。但系两个便当我最欣赏就系佢啲配菜，味道都好夹，好好食！除此之外，我哋都嗌咗花枝丸。花枝丸上面有一层海盐调味，可以带出带出花枝丸嘅鲜味，唔错！去到食台湾菜，点会唔少得饮台式饮品。我哋就叫咗一支黑糖珍珠鲜奶，好浓味，珍珠都好弹牙，可惜甜度唔可以调校，以香港人嘅口味来讲，略为偏甜。其实睇返食肆系行简约风，食物餐牌都非常清晰简单、一目了然。而且都系喺门口落order，然后就可以揾位坐底等送餐。总括而言，餐厅食物质素唔错，坐得都几舒服。