百芳池上便當 (大河道) (已搬遷) 新店位置

今日同屋企人去開荃灣Aeon Shopping, 見依間餐廳都幾多人幫襯，就去試吓，結果有驚喜！我哋嗌左一個滷老雞扒便當，調味啱啱好，雞肉好滑，而且大大件好抵食。另外我哋仲嗌左個豬扒便當，豬扒都炸得好出色，好鬆軟好香口。但係兩個便當我最欣賞就係佢啲配菜，味道都好夾，好好食！除此之外，我哋都嗌咗花枝丸。花枝丸上面有一層海鹽調味，可以帶出帶出花枝丸嘅鮮味，唔錯！去到食台灣菜，點會唔少得飲台式飲品。我哋就叫咗一支黑糖珍珠鮮奶，好濃味，珍珠都好彈牙，可惜甜度唔可以調校，以香港人嘅口味來講，略為偏甜。其實睇返食肆係行簡約風，食物餐牌都非常清晰簡單、一目了然。而且都係喺門口落order，然後就可以搵位坐底等送餐。總括而言，餐廳食物質素唔錯，坐得都幾舒服。