悠蔬食 (渣甸中心) (已結業)

呢排大鱼大肉过后，朋友聚餐就提议食下素菜。由于我麻麻传统中式斋菜，于是悠蔬食呢类中西合璧既素食餐厅就岩哂。是晚系满哂人full booking 既，坐落先望到有每人最低消费200既要求，于是一人一个set就刚刚好。前菜其实份量好够，豆丝粉皮同藜麦薯球几清新，个沙律多鲜果，尤其好食，不过食完，我已经有三分饱个手卷我觉得有d寡，食落真系成口草，𠮶堆苜蓿芽如果有酱汁就好好多，或者配生果，配芦笋真系寡多两分重，建议拣香芒牛油果之后个汤我觉得系重点，拣左周打黄耳雪燕忌廉浓汤，真系超浓有口感，黄耳雪燕本身冇味，都系靠汤底，而呢碗野好食到可以再添食。主菜我就食西式为主，叫左 蕃茄野菜烩扁意粉，大啡菇南瓜紫薯包焗千层面，同埋松子菠菜忌廉烩意大利饭。千层面系当中最好食既，一黎佢铺面有层浓郁芝士，夹埋焗到腍既南瓜，啡菇同紫薯好好食，之后面底焗到㶶㶶地又脆皮，有口感，问题系食完超饱肚。到上意大利饭时，已经饱左八成。好彩松子酱够清新，菠菜忌廉唔腻口，不过上菜个碟原来好深，分食完都十成饱有突之后既菜式我都冇参与过，见同行友人食得几滋味，应该唔错。下次识嗌真系要由a la carte menu 入手，唔系盏浪费