安南小館 (形點) (已結業)

晚上一家人去yoho揾野食，见到尼间安南小馆。开头以为系贵价野，点知见到价钱都几适中，都系7,80蚊，于是决定试一试。坐低叫左个四人餐，有7𩠌连油饭同野饮，睇落都几吸引。先试个柚子虾沙律🥗，味道普通，啲汁有少少酸，唔太岩我。不过啲虾又几多，都算新鲜。一般般啦。之后有个米纸卷，份量比起其他越南餐厅大啲啲，口感都好唔错。可惜跟餐冇得拣其他款，只有炭烧猪肉。如果有软壳蟹就正😋仲有个前菜/小食系炸虾饼🍤，我冇乜大兴趣，不过不失啦。黎到主菜，有堤岸香葱鸡，牛筋腩煲配法包，香矛猪扒同一个菜。基本上四样都水准以上，鸡好嫩滑，又唔会太肥，咖哩就唔辣既，系甜咖哩，牛筋腩都好正，真系卖飞佛。😍其实食𩠌都已经够晒饱，佢仲有跟多四个油饭比我地，真系好丰富。(ps. 蒜香油饭真系有蒜😂)总括成餐饭，味道唔会太浓，又唔油，食材都好唔错。系比想像中好既一餐。👍🏻可以再黎。