海港薈

营业中

休息中

今日去参加一个中午聚餐，－共开四枱所以有一个包房（V1)，房间阔落，冇局促感。本以为套餐水准系一般。但上第一个菜：乳猪全体就已经有惊喜，估唔到系热嘅。入口乳猪皮松化，跟住落嚟食呢啲菜，个个都有水准。𠮶个炸蟹钳已经唔系一般酒楼嘅行货，好有水准。西兰花带子更加系要加分。食到最尾见红枣糕更加令人惊奇，上枱时仲热辣辣，好有红枣味，平时唔食甜品嘅我，都食咗三件。可能系包房关系，啲侍应睇到亲切，招呼周到。这间酒楼出品值得一赞。