東哥點心籠仔蒸飯專門店

营业中

休息中

好少写好评，呢间低调点心舖真系用料十足，味道浓郁有鲜味。个人好钟意食点心，呢个年头食到嘅点心味道通常都大同小异，但呢一间味道食得出系用心做而且认真有层次。脆米网肠粉入口惊讶，我好多年无食过咁滑既肠粉，顿然回想起童年食旧式酒楼既时光。鹌鹑蛋烧卖，又名春蛋烧卖，我估大概系啲人唔识写鹌鹑两只字。好少可仲食到大大件虾肉嘅鹌鹑蛋烧卖，抵食。四宝鸡扎，最令人深刻就系呢一条嘅芋头，竟然会有淡淡的红枣清甜味道，鸡件系带骨既鸡胸肉，松软不得了。萝卜糕煎得金黄香脆！菜苗饺皮薄馅靓！下午茶时间有特价，不妨试下。