李家 (山林道)

营业中

休息中

呢间好似不嬲出名由韩国人经营，所以去食𠮶阵都几期待~~一开始嗌咗炸酱面，半半炸鸡(蜂蜜蒜蓉&甜辣)，烧五花腩定猪颈肉。炸鸡嚟到系原味同甜辣，但嚟到𠮶阵唔系好知，冇为意，食落根本冇蜂蜜蒜蓉味，同返店员讲(系个大叔嚟)，佢话「但你哋食咗啦㖞」。大佬唔食我点知你俾错我呀😅虽然佢哋之前有另外补返蜂蜜蒜蓉炸鸡，但店员嘅态度真系有啲令人不爽😓👍🏿炸鸡都叫中规中矩，炸鸡本人冇话好juicy，不过炸鸡嘅酱系几出色，如果想食好食嘅炸鸡，真系好多舖好多过佢。👍🏿另外炸酱面，中规中矩，面本人系几滑几好食，但调味总系觉得差咁啲，个人会觉得outdark炸酱面更胜一筹。不过碟面真系好大碟，系几抵食下。👎🏿烧五花腩真系中伏，肉质好鞋，冇乜调味净系食落口觉得食紧好难食嘅叉烧，俾咗2旧水嗌呢个肉真系有啲唔知讲咩好，差到连单独帮佢影相都冇影，唔建议嗌。