寶城美食店

营业中

休息中

每当我想食炸鸡髀嘅时候，我通常都会谂起喺红磡广场地库嘅宝城茶餐厅！因为呢到嘅炸鸡髀真系好出色呀！搞到我成日心思思都想食！今日晏昼我又嚟咗食喇，炸鸡髀可以有唔同汁配搭，黑椒、茄汁、咖哩汁、豉油、沙嗲、蒜蓉、粟米，仲有鲜茄汁，不过要加$3！真系应有尽有！我今次拣咗普通茄汁，另外+$3要多条香肠！由于佢系即叫即炸，同埋好多人叫嘅关系，所以真系繁忙时间真系要等耐啲，我今次都笞咗二十分钟先有得食！讲返味道先，首先鸡髀炸到皮劲脆，一切落去仲有啲肉汁流出嚟，肉都算鲜嫩，啲肉系有腌过嘅，所以带啲咸味，配埋啲酸酸甜甜嘅茄汁，真系送到成碗饭架！生炸鸡髀真系唔同啲！望住张图我又想食多转喇！