火鍋撚 (染布房街) (已結業)

首先嗌咗个蜂巢汤底，闻上去有啲药膳味，香得嚟食落又唔会好突兀。汤底包咗鸭血同埋豆腐，份量都唔少，食物入味又唔会太浓，饮埋汤底更enjoy。今餐主要想食多啲肉类，肥牛、牛肉粒、豚肉，水准都唔错，刀工又ok，切到啲肉好薄，一落镬就熟。特别要赞下个田鸡，叫咗半份（一只），应该系即㓥，上枱𠮶阵仲识得抽搐，而且处理得几好，身上面冇乜血水，熟咗之后加埋啲汁简直一流。另外，都嗌咗啲丸、饺子、同埋墨鱼滑。呢啲小食全部水准都唔错，而且啲丸仲识爆浆。饮咗一枝台湾嘅手工啤酒，叫做「小满」，味道相当有特色，有阵冬瓜茶独有嘅香气，绝对系物有所值。