圓方餃子粥麵

营业中

休息中

黎呢度既原因，就系要品尝一下呢度啲饺子有咩咁把炮。圆方卖饺子卖到包装都出埋，连超市都揾到你都咪话唔势利。其实行到入去都睇到，街坊一个接一个入去，咁大地方都爆晒人，可能由于食物价格相宜，质素又不俗既关系。我地总共叫左3款食品，分别系煎韮菜饺,汤西洋菜饺同埋菜肉云吞配上海汤面，再加左豆浆。三款我最爱食个西洋菜饺，首先呢度啲饺既皮系好薄好薄，但薄得呢又唔穿。佢张西洋菜既汁全部都锁左喺饺入面，咬落好juicy，啲西洋菜香不封不动咁送入口。而个煎菲菜饺都好味既，但我就略嫌佢煎㶶左少少啦，外皮有啲硬同脆。菜汁依旧都锁系饺入面，不过我觉得油太多会影响左韮菜味道，当然嗜煎炸野既你哋系不容错过。而菜肉云吞比较逊色既原因系白菜冇咁香浓，皮一样系好薄，但包法同饺子无异。而个上海面反而不太值去食，因为真系冇特别。而佢汤底只系好清既汤，唔落调味就太淡了。最后，杯豆浆就不过不失喇，没期望，只为解渴。埋单成为$74蚊2个人，确实系抵食。