那個ㄋㄚˋ ㄍㄜ (利奧坊)

营业中

休息中

今日嚟到大角咀其中一间最出名嘅台湾菜餐厅那个ㄋㄚˋ ㄍㄜ˙真系唔会令我失望「冬瓜牛奶」系用咗维记牛奶，非常好饮，但系记得唔好叫少甜，因为咁样啲冬瓜味就会少咗「黑糖波霸奶茶」啲黑糖喺台湾入货，所以口感会比较酸。便当拣咗「无骨卤水猪脾便当」，便当入面会包括三款配菜，原来配菜会不定时按季节更新。今次就有炒粉丝、炒高丽菜同埋菜脯炒蛋。汤面就有「手工丸汤面」，双拼丸就系贡丸同埋花枝丸，面条就喺中面、鲜蛋拉面同埋扁面入面拣咗中面，中面面条比较幼，口感似米线。汤底今次就冇拣到相对浓味嘅红烧牛骨汤，而系拣咗新出嘅麻油鸡汤，多咗份清甜味道。食完之后我仲见到餐厅仲推出咗月饼㖞。一盒四件，包括两件柚子凤梨奶黄味月饼，同埋两件流心奶黄味月饼。而家开始已经可以买架喇，限量只有1500盒，仲会送总值80蚊嘅现金券同埋沙冰券添。你睇下个盒几靓，之后仲可以当灯笼玩添呀。