影片
更多
2021-12-06
713 浏览
𠮶晚食嘅蔡太写嘅菜单。烚花甲。摆盘花咗心思系值得一赞。开头以为烚花甲系hea底嘢，但原来系用咗啲自家制汁去烚，个汁酸酸地辣辣地非常开胃，作为第一道菜当之无愧。狮头鹅颈拼盘。原来鹅肝唔煎，用嚟卤水都可以咁好食。口感系超级嫩之余完全食到鹅肝嘅油香味，真系有种入口即融嘅感觉。鹅颈、鹅翼部份，佢斩到每一件都系刚刚好可以入口嘅size，大家唔会食得太狼狈，鹅肉又系超嫩超入味。嚟好蔡馆净系食呢一碟嘢都可以满足对潮州菜嘅渴求。虾枣凤阳酥。摆盘好大排档feel但入口有惊喜。长啲𠮶嚿系用腐皮包住马蹄、猪肉、芋头同起肉九肚鱼嘅炸物，马蹄爽、猪肉鲜、芋头有口感、九肚鱼滑，成嚿嘢可以用口感丰富、层次分明嚟形容。至于佢隔离嘅虾枣，即系虾滑，如无意外都系全人手打，否则唔会咁弹牙。芋泥手磨杏仁茶。完全颠覆我以往对杏仁茶嘅印象。因为我一向都唔喜欢杏仁茶阵味，一开头我都对呢碗嘢冇乜期望，不过果然冇期望先会凸显到有惊喜嘅反差。呢碗嘢完全冇普通杏仁茶𠮶阵臭到攻鼻嘅气味，feel到系杏仁香多啲。配埋芋泥嘅香气同口感又丰富小小，成坛嘢系香甜而不腻，如果唔系食到几饱我都想添多碗。当晚仲有花胶羹，食咗一千蚊一位，但我觉得呢个价钱食
烚花甲。
摆盘花咗心思系值得一赞。开头以为烚花甲系hea底嘢，但原来系用咗啲自家制汁去烚，个汁酸酸地辣辣地非常开胃，作为第一道菜当之无愧。
狮头鹅颈拼盘。
原来鹅肝唔煎，用嚟卤水都可以咁好食。口感系超级嫩之余完全食到鹅肝嘅油香味，真系有种入口即融嘅感觉。鹅颈、鹅翼部份，佢斩到每一件都系刚刚好可以入口嘅size，大家唔会食得太狼狈，鹅肉又系超嫩超入味。嚟好蔡馆净系食呢一碟嘢都可以满足对潮州菜嘅渴求。
虾枣凤阳酥。
摆盘好大排档feel但入口有惊喜。长啲𠮶嚿系用腐皮包住马蹄、猪肉、芋头同起肉九肚鱼嘅炸物，马蹄爽、猪肉鲜、芋头有口感、九肚鱼滑，成嚿嘢可以用口感丰富、层次分明嚟形容。至于佢隔离嘅虾枣，即系虾滑，如无意外都系全人手打，否则唔会咁弹牙。
芋泥手磨杏仁茶。
完全颠覆我以往对杏仁茶嘅印象。因为我一向都唔喜欢杏仁茶阵味，一开头我都对呢碗嘢冇乜期望，不过果然冇期望先会凸显到有惊喜嘅反差。呢碗嘢完全冇普通杏仁茶𠮶阵臭到攻鼻嘅气味，feel到系杏仁香多啲。配埋芋泥嘅香气同口感又丰富小小，成坛嘢系香甜而不腻，如果唔系食到几饱我都想添多碗。
当晚仲有花胶羹，食咗一千蚊一位，但我觉得呢个价钱食潮州菜系有啲贵，下次去唔食珍馐海味其实会相宜啲😅
张贴
