鮮芋仙 (美麗華廣場1期)

营业中

休息中

今晚饭后甜品去左鲜芋仙美丽华嘅分店，美丽华嘅呢间分别位置就喺Starbucks楼上嘅栏杆位，有分室内同室外嘅位置，开始热嘅今晚坐返喺室内嘅位置。今日叫左冻嘅芋圆4号 外加左小芋圆。以黑糖水刨冰作基底，加上4款配料，蜜芋头，双色芋圆，红豆及珍珠。最出色嘅都系蜜芋头同埋芋圆蜜芋头口感绵密，甜度适中，份量有两大嚿，非常满足。芋圆口感有弹性，淡淡蕃薯及芋头香，过足口瘾。顺带一提小芋圆口感与正常大小芋圆有分别，比较腍滑。红豆保持粒粒原整，没有爆皮起沙效果，如果再煮长时间一点，爆皮起沙会令整体味道会再提升。最后珍珠甜度适中，但口感都系比较硬，可以延长烹煮时间，会比较好咀嚼。提一提返，有人均最低消费$28，如果女士们要同朋友分享一份甜品就可能要加个额外嘅配料喇。