茶廳 (已結業)

喱间食店食乜？睇个名就知喇。外观一般喇，门口有d散座，入面有d卡位咁喇，除四人卡位外，二人卡位同d散座都唔会坐得舒服，预左d客食完就走，尤其繁忙时间。门口有d牌俾你睇倒入面有d乜野食。室内墙上同枱面都有d出品介绍。例汤一般般喇，份量少，不过都见倒有d料嘅。呢碟鸳鸯米冇乜卖点，有米粉同粉丝两沟，所谓鱼香真系唔多觉，而茄子又太少，算系炒得唔太咸就真嘅。呢碟炒一丁个名水蛇春咁长，材料同泡制又系一般般喇。日日食就相当唔健康喇，间中食吓OK嘅。呢个全日早餐，卖相就唔错，但睇落d食材都系d好普通野，咁嘅价钱算系偏贵，食落唔见特出。总括嚟讲，呢间食店出品唔见好特出，但价钱偏贵，繁忙时间d阿姐都几粗声粗气㗎。