影片
更多
2013-12-02
182 浏览
昨晚同两个朋友食完饭，之后就行去甜源居食糖水。坐低咗叫野食，分别叫咗酒酿丸子，生磨合桃糊，雪蛤芝麻糊沟合桃糊，雪蛤合桃糊。落单时个有大陆口音嘅大婶好不耐烦地同我哋落单，令我哋有种喺差馆落口供嘅感觉。当啲嘢食嚟到，先送嚟三个糊，眼见卖相己经唔开胃 ，搅两搅就发现三个糊仔都好似白胶浆沟水咁嘅状态，全无任何合桃或芝麻味，𠮶啲雪蛤摆落口时仲好似食紧猪皮咁嘅感觉，爽口弹牙，都唔知系乜野！ 食食吓仲觉得有啲唔知系雪藏定系醒味。我敢肯定𠮶啲所谓嘅〝生磨〞乜乜糊一定系用粉再沟生粉水，仲要系沟到好鬼稀。之后戏肉就系个酒酿丸子喇…摆低咗碗嘢，一望嘅感觉就好似见到一碗清水浸住几pat面粉，再加少许浸烂咗嘅饭。我两个朋友都唔敢试，因为一个大肚婆一个准备大肚婆，咁就唯有我试先…第一啖入口都唔敢食晒，试咗少少先…感觉己经濑晒嘢！即lur！𠮶啲见到嘅清水同饮白醋一样，酸到不得了！忍唔住即刻叫咗个伙计过嚟同佢讲喇，点知佢一开口就话〝系咁酸架喇㖞！你无食过咩？〞我即场Ｏ咗咀！随即有个非常西面的上海婆走过嚟搭咀，佢话〝我哋啲酒酿丸子系最正宗架！同你落单个伙计话咗俾你知系酸架喇…你话无问题先落单，依家无得取消架㖞！〞
坐低咗叫野食，分别叫咗酒酿丸子，生磨合桃糊，雪蛤芝麻糊沟合桃糊，雪蛤合桃糊。
落单时个有大陆口音嘅大婶好不耐烦地同我哋落单，令我哋有种喺差馆落口供嘅感觉。
当啲嘢食嚟到，先送嚟三个糊，眼见卖相己经唔开胃 ，搅两搅就发现三个糊仔都好似白胶浆沟水咁嘅状态，全无任何合桃或芝麻味，𠮶啲雪蛤摆落口时仲好似食紧猪皮咁嘅感觉，爽口弹牙，
都唔知系乜野！ 食食吓仲觉得有啲唔知系雪藏定系醒味。我敢肯定𠮶啲所谓嘅〝生磨〞乜乜糊一定系用粉再沟生粉水，仲要系沟到好鬼稀。
之后戏肉就系个酒酿丸子喇…摆低咗碗嘢，一望嘅感觉就好似见到一碗清水浸住几pat面粉，再加少许浸烂咗嘅饭。我两个朋友都唔敢试，因为一个大肚婆一个准备大肚婆，咁就唯有我试先…第一啖入口都唔敢食晒，试咗少少先…感觉己经濑晒嘢！即lur！𠮶啲见到嘅清水同饮白醋一样，酸到不得了！
忍唔住即刻叫咗个伙计过嚟同佢讲喇，点知佢一开口就话〝系咁酸架喇㖞！你无食过咩？〞我即场Ｏ咗咀！随即有个非常西面的上海婆走过嚟搭咀，佢话〝我哋啲酒酿丸子系最正宗架！同你落单个伙计话咗俾你知系酸架喇…你话无问题先落单，依家无得取消架㖞！〞随即佢就问𠮶位有大陆口音嘅大婶〝你系咪己经同人哋讲咗啲丸子系好酸架？〞大婶答〝系呀！佢哋话酸都无问题我先同佢落单架！〞我即场又Ｏ咗咀！心谂〝乜有餐厅会同人讲自己啲嘢食酸架你有冇问题咁得意架咩？〞上海婆随即就话〝系啰…之前咪同你讲咗啰！〞
我同我两个朋友都Ｒ晒头！明明落单时乜都无讲！依家就扯晒猫尾…
我同个上海婆讲〝咁算喇！兜嘢40蚊啫！不过如果落单时你真系有同我讲过兜嘢酸到好似系饮白醋咁我就一定唔会嗌啰！〞隔咗唔够一分钟，𠮶上海婆返嚟收咗碗嘢，攞走埋张单，之后行返番嚟就话〝我哋啲酒酿丸子系最正宗架！你究竟有冇食过架？不过兜嘢都系40蚊啫！依家帮你取消咗！〞我即时严重著咗火 ，小喇叭！呢啲系乜嘢服务态度？我睇住有个大肚婆喺度先唔再同佢嘈落去！真系好Ｑ嬲！！！
张贴