海幸壽司 (已結業)

今晚我们去咗何文田胜利道嘅「海幸寿司」食晚饭！我们叫咗松叶蟹海鲜丼、鳗鱼饭、什锦锅烧乌冬、三文鱼头盐烧、银鳕鱼西京烧、明太子玉子烧、芝士年糕同紫芋甘栗饼！松叶蟹海鲜丼嘅卖相相当精致吸引，油甘鱼同三文鱼都非常新鲜嫩滑，海胆亦超鲜甜软滑，松叶蟹嘅肉质好鲜味弹牙！鳗鱼饭嘅鳗鱼肉质非常嫩滑弹牙！什锦锅烧乌冬嘅乌冬相当爽滑弹牙，炸虾天妇罗炸得好爽甜香脆，炸粉亦唔会好厚！三文鱼头盐烧嘅烧得表面好香脆，入面嘅肉质相当嫩滑！银鳕鱼西京烧嘅味道好鲜甜，肉质亦超嫩滑弹牙！明太子玉子烧系新鲜即叫即烧，嫩滑嘅玉子包住鲜味嘅明太子，真系非常惹味同口感极之丰富！芝士年糕嘅年糕表面有块紫菜包住香浓嘅芝士加埋烟韧弹牙嘅年糕一齐食，真系超好味呀！紫芋甘栗饼入面真系有粒粒甘栗，紫芋相当软滑，味道非常香甜！