kikusan (已結業)

今晚我们约咗好朋友一齐去铜锣湾希慎广场食晚饭，但就未决定去边间食？拣咗一阵我们见到有间有上海包点，又有日本菜食嘅fusion菜餐厅「Kikusan」，所以我们就决定入去食晚饭！一入到去就见到有都几大嘅开放式厨房，坐位与坐位之间亦相当舒适宽敞！我们叫咗几款唔同嘅串烧，分别有：鸡肝、豚腩、鸡肾、照烧鸡肉棒、鸡翼同炭烧牛肉，全部都烧到啱啱好，肉质相当鲜嫩松软！豚肉小笼包嘅外皮极之薄身，所以好清楚睇到入面有好多汤汁，汤汁嘅味道非常鲜甜，豚肉嘅肉质亦相当鲜嫩！煎韭菜豚肉饺子同煎素饺子煎得好香口同好干身，唔会有「油腍腍」嘅感觉，而且饺皮亦好薄身，豚肉馅料就好鲜嫩惹味，而素菜馅料就相当清新！烧鳗鱼饭嘅鳗鱼好肥美厚身，所以口感好丰富！南瓜味噌汤牛肉温泉蛋乌冬嘅牛肉喺上碟𠮶阵仲系生嘅，要用热辣辣嘅汤底去浸熟，所以肉质相当鲜嫩，乌冬嘅面质亦好烟韧弹牙！千层猪扒担担拉面嘅猪扒系用一层一层嘅猪肉堆砌成好似猪扒咁厚，所以食落层次感非常丰富！花生黑芝麻驴打滚系将外层煎到色泽金黄同外脆内软，质感相当烟烟韧韧，中间就有香浓嘅花生酱，而且喺表面仲舖满咗芝麻花生粒同椰丝，令到味道更加齿颊留香！日式年糕配云呢拿大叶汁嘅卖相