影片
更多
2017-11-14
137 浏览
自从搬入元朗后，早茶活动都在元朗居多，今日难得同母亲大人都要出九龙做野，就去九龙揾餐茶饮下，唔使饮来饮去都系𠮶几间咁闷。目标地区系美孚，上Openrice 睇下有边间酒楼近地铁站之余又比较有特色，一搜之下，见有间京字开头叫京都荟嘅酒楼新开，心谂: 除左广东点心，可能仲有北方鲍点同面食供应，一箭双雕。所以就拣左佢。酒楼地方阔落，采用宴会厅布置，目的明显系想多做宴会延席。望菜牌后同想像有落差，冇京式点心，只有广东点心，好在都有少少惊喜，见倒有家阵酒楼好少做嘅芝麻卷，即系我地讲嘅菲林卷，又见倒一个好特别嘅肠粉，名叫酥炸九肚鱼肠粉，当然两个都有落单。最先送到嘅系菲林卷，唔好话食，见都有几年未见过，呢度个皮好薄，滑身兼爽脆，有浓郁芝麻香味。跟住送上嘅唔系点心，系金蒜班腩蒸饭，班腩系新鲜龙趸腩，份量都有八九件，好鲜味，金蒜同炒饭同蒸，有浓浓香味，斋闻都令人食欲大震，饭炒得十二分干身，零油腻，同时散发淡淡荷叶清香，整体做得甚为出色。酥炸九肚鱼肠粉，简值系神来之笔，鱼起骨之后炸脆，包上肠粉皮，九肚鱼鲜甜人所共知，但从未见过有酒楼用佢做点心，无他，起骨功夫多，又唔系太卖倒价钱，呢度将九肚鱼及肠粉结合，成
目标地区系美孚，上Openrice 睇下有边间酒楼近地铁站之余又比较有特色，一搜之下，见有间京字开头叫京都荟嘅酒楼新开，心谂: 除左广东点心，可能仲有北方鲍点同面食供应，一箭双雕。所以就拣左佢。
酒楼地方阔落，采用宴会厅布置，目的明显系想多做宴会延席。
望菜牌后同想像有落差，冇京式点心，只有广东点心，好在都有少少惊喜，见倒有家阵酒楼好少做嘅芝麻卷，即系我地讲嘅菲林卷，又见倒一个好特别嘅肠粉，名叫酥炸九肚鱼肠粉，当然两个都有落单。
最先送到嘅系菲林卷，唔好话食，见都有几年未见过，呢度个皮好薄，滑身兼爽脆，有浓郁芝麻香味。
跟住送上嘅唔系点心，系金蒜班腩蒸饭，班腩系新鲜龙趸腩，份量都有八九件，好鲜味，金蒜同炒饭同蒸，有浓浓香味，斋闻都令人食欲大震，饭炒得十二分干身，零油腻，同时散发淡淡荷叶清香，整体做得甚为出色。
酥炸九肚鱼肠粉，简值系神来之笔，鱼起骨之后炸脆，包上肠粉皮，九肚鱼鲜甜人所共知，但从未见过有酒楼用佢做点心，无他，起骨功夫多，又唔系太卖倒价钱，呢度将九肚鱼及肠粉结合，成功制作出一度酥香软滑鲜甜共融一体嘅妙品，由衷佩服！
灌汤饺只卖HK$19.80，点都要点只试下，汤底浓甜，皮烟靭，饀料仲要劲多瑶柱，做得好靓好抵食。
红豆沙好似好普通，但其实市面上好少酒楼做得好，呢度嘅水准绝对见得人，豆沙浓稠度适中，米浆芡打得厚薄均匀，陈皮够香，豆又够沙，好香但又唔会太甜。
四个点心一碟饭，买单HK$220，价钱适中，质素以中价酒家嚟讲已经相当之好，点心有怀旧嘅亦有创新类型，绝对可以迎合一家大细，唔同年代朋友嘅口味。
张贴
