長洲愛群珍正糯米糍 (已結業)

收工返屋企前，又四围发掘甜品小食！上网揾到呢间糯米糍店，呢期好多长洲糯米糍店出市区打拼！呢间第一次食，去到只有一个柜台阔，好光猛！店内只有一个伯伯加个婶婶，事先已经打了电话问清楚仲有榴梿同芒果，去到见到仲有新口味榛子朱古力！每款要了一只！好笑系去之前短讯了住附近嘅朋友，可以顺便买多啲，大家一呼百应，结果我分三次买（大家唔系同一时间讲）为数不少下，婶婶送了一支芒果汁比我！仲提我要即时饮，因为无防腐剂！芒果糯米糍（$12）糯米皮软熟滑溜！芒果厚肉，味道够甜，可惜芒果肉带啲核嘅硬毛！所以唔可以大大啖食！影响口感榛子朱古力糯米糍（$12）糯米皮软熟滑溜！榛子酱好甜滑，浓香朱古力味！中间夹杂碎果仁，增加口感！榴梿糯米糍（$12）肥髀食！佢话好好味！芒果汁：细细支，芒果汁浓，浆口！味道无加糖精！带微酸！好味！买嘅期间都有其他客人，婶婶好礼貌！足料好味！唔使去长洲都食到长洲风味！