影片
更多
2013-11-29
100 浏览
大家听到和幸,只会想起日式烧肉仲有KISSKISS吧?原来,店方巳静静地起革命,在尖沙咀店设立日式串烧.当日行政总厨昌哥全晚助阵,陪我们几位女士吃到11点,力抗其他店的客人狂催,真的十分赏脸呢!真的要多谢师姐给我们今次的机会..都系果句,识人好过识字!咁,赏脸,系咪等于好食先?!我的结论是,今次的体验,系食完之后,我会打算和阻住再来吃一次的!!因为实在太太太太太正了!三只字-坚好味!我一边食,一边觉得好内疚,因为阻住无得食..…(真的)食串烧通常会热气少少,食呢D蔬菜打左底先..加甜面豉酱,清新.炸小池鱼-送秋味KIRIN一流,入边亦唔干,好特别的前菜!第二个更特别,大家估下是什么?就是炸牛蒡了!上边涂了黑糖,牛蒡香炸到脆卜卜,好盏鬼!食完这三个小食,我对今晚呢餐,信心大增,期望倍升!果然,高潮真的一浪接一浪…首先来的就是好特别的..豚肉露笋卷!车!!!!!咪掟鸡蛋住!有几特别呀? 豚肉露笋卷?!!OK,你听埋先再谂下要唔要浪费只鸡蛋掟我..你望真D…呢个豚肉,系超薄架!咁超薄咪好唔抵?唉,你唔好用C9心态先得架,大,有时都可以无当..呢支寸烧奇趣的地方是,一般坊间都是用大大片的烟肉,
KISS吧?
原来,店方巳静静地起革命,在尖沙咀店设立日式串烧.当日行政总厨昌哥全晚助阵,陪我们几位女士吃到11点,力抗其他店的客人狂催,真的十分赏脸呢!
真的要多谢师姐给我们今次的机会..
都系果句,识人好过识字!
咁,赏脸,系咪等于好食先?!
我的结论是,今次的体验,系食完之后,我会打算和阻住再来吃一次的!!
因为实在太太太太太正了!
三只字-坚好味!
我一边食,一边觉得好内疚,因为阻住无得食..…(真的)
食串烧通常会热气少少,食呢D蔬菜打左底先..加甜面豉酱,清新.
炸小池鱼-送秋味KIRIN一流,入边亦唔干,好特别的前菜!
第二个更特别,大家估下是什么?
就是炸牛蒡了!上边涂了黑糖,牛蒡香炸到脆卜卜,好盏鬼!食完这三个小食,我对今晚呢餐,信心大增,期望倍升!果然,高潮真的一浪接一浪…
首先来的就是好特别的..豚肉露笋卷!
车!!!!!咪掟鸡蛋住!
有几特别呀? 豚肉露笋卷?!!OK,你听埋先再谂下要唔要浪费只鸡蛋掟我..
你望真D…呢个豚肉,系超薄架!
咁超薄咪好唔抵?
唉,你唔好用C9心态先得架,大,有时都可以无当..
呢支寸烧奇趣的地方是,一般坊间都是用大大片的烟肉,你只是吃到咸味, 露笋变了配角.但这个串烧,它的薄薄的腩肉少少咸,邓衬住露笋的鲜甜,终于比露笋做返次主角!
简直系星梦传奇的串烧版本呀..
食完呢味,我的期望继续𩙪升……
汁烧豆腐 - 用绢豆腐先炸后烧,个汁甜甜地,内里有豆香,不错啦!但又未算惊为天人..点知..好戏在后头…
主角出场了..鲍鱼酿鸡翼 - 听个名好有趣,RITGH? 但对不起,通常呢D有趣既野,都唔多好味..
见昌哥个样阴阴咀笑…胸有成竹咁款..果然..首先,佢个鸡翼烧得刚好,入边还是很嫩,外边有点脆..而里边的鲍鱼湿润得很,原来是先用清酒煮到腍,十分入味..
第一次知道,原来鲍鱼同鸡翼,系可以咁好朋友架!!!!
呢个组合叫做:好味到无朋友!虽然价钱要$48串,但以佢既创意同味道,真系超值!
鸡皮紫苏叶虾卷 - 虾肉用一层超薄鸡皮包住,同紫苏叶的香味十分配合,$58/2串,虽然只虾唔系大虾,但虾味够,而三者味道好夹,不错.
豚肉芝士年糕 – 芝士同年糕本身就系好索味又好夹味既朋友, 烧时融融地,加入了猪肉既油香,软绵绵咁,好味.
牛舌明太子卷 ($44/2串)- 呢个亦都系”首创”既..讲真,发明到一款好好明既我巳经觉得好劲..点知..呢款又系另一个高潮!昌哥解释,先选取牛舌中间位片薄,再包住明太子烧,明太子有点湿湿地又辣辣地既咸香
食到呢度,我真系觉得好对老公唔住(无同佢黎)!!!
同场朋友想吃鸡肝,我就一向唔多好,好难评论..其实食到呢度我巳经饱左大大半..点知..昌哥竟然好过份咁点左…汁烧鳗鱼 !我系鳗鱼怪黎架麻!!!
仲要好厚肉..完全无酸味,又JUICY,皮又厚,又烧得香!!!但呢串野价钱都唔平,要$108!不过大家如果有去街巿买𩠌的都知,现在的鳝仲贵过金..昌哥话,因为中国的鳝被日本仔抢到贵晒㖞..唉..但真系好好味..点解呢个世界会有D咁好味既野..边食边想流泪..
鸭舌 – 大路货,但烧得很脆,送酒一绝.
朝鲜酱鱿鱼须 –唔会太干,保留到肉汁其实系串烧的功架所在..呢个师传,实在做到!
天妇罗虾饭团 / 软壳蟹饭团 –比较创新,烧得好脆下,但我唔太欣赏呢个饭团,因为外同内都硬..个人比较钟意食三角型个种..最好入边有明太子,一干一湿先系我既首选..
盛冈冷面 –巳经饱到想喊…仲来个冷面.
但佢又真系好好味,
冷面是我最LIKE的弹牙TYPE,个汁又酸酸地,仲加只滑滑的温泉蛋,当你热完一轮食到佢,真系冷情与热情之间的好选择..
大家可以留意下,店舖还设有宵夜时段,逢星期一至四,晚上十点至凌晨两点会有些串烧做7折优惠!(但我睇过无楼上个两款首创寸烧)呢度的环境好啱斯文的客人来倾下计,边饮酒边食..而且好多房间,仲好大添..系入边跳舞都得..(讲笑啫..好似冷左D个笑话…)
席间和昌哥倾计,讲起其实串烧个炉同师传的手势同样重要,佢地就好落本系个炉度,要够火喉,净系个炉都几万蚊..大家就明(其实可能得我唔明),点解串烧要收咁贵.同自己BBQ有咩唔同..
要快D安排同老公黎食先得..免得我继续内疚..
张贴
