天河食坊 (已結業)

车仔面一向系平民食物，但做得好一啲都唔易，我相信大家都食过好难食嘅车仔面。呢间车仔面做咗好多年，好多街坊都钟意帮衬，除咗价钱平，当然质素都唔错，性价比高。我今日带咗三𩠌面， 分别系红肠、猪红、同埋鱼蛋。佢个麻辣汤味道唔错，唔会好辣但系带麻嘅感觉，猪红系我最钟意食嘅配菜，唔会一夹就散，仲有弹性，唔系间间车仔面都做得到。小食方面，佢有好多选择，牛杂啦，咖喱三宝等等，我今次就叫咗炸大肠同炸烧卖，佢炸大肠上碟之后会有蜜糖淋上面，炸大肠卖$16串，但件数都几多，外皮香脆大肠弹牙。炸烧卖我不嬲都好钟意食，不过我觉得炸得硬咗少少，不过不失。