影片
更多
2024-07-28
511 浏览
本人对西班牙菜好一般，因为口味同材料，永远都只食乳猪同海鲜饭首先我要赞一赞佢嘅服务，因为今次睇戏我个时间一改再改，原本book咗6:30后尾我打电话去改到七点佢都冇问题，到睇完戏之后发觉赶唔切时间过去谂住取消Booking，佢话可以继续帮我留枱，所以最后见佢一个咁好嘅服务，我哋就去返呢间食。佢个Menu其实系有中英对照嘅，不过，唔知系咪佢嘅special set太赶时间推出，所以就冇中英对照。原本，我哋谂住嗌两个set然后再加散叫，点知佢话如果要叫set嘅话就全枱人都叫set 。咁我建议大家如果人多嘅话其实叫set系OK嘅，因为佢个set其实个款式都几多，咁你每人叫一款咁share食咁大家都可以试到唔同嘅口味。个set你可以有前菜小食主菜仲有个甜品咁佢西班牙嘅水果酒，如果叫埋嘅话就加$130就有得饮啦。嘢食呢我就唔逐一介绍啦。但系我就想推介几款第一个系佢个香蒜虾，佢个虾系超级爽口，跟住有啲蒜香同埋辣辣地嘅味好似激味蕾，佢个青口呢虽然有少少沙，但系佢个汁再加埋啲面包食系一流㗎。如果喜欢青辣椒仔嘅话其实可以叫嚟试吓，我见我三个朋友都食得津津有味。去到主菜大家一定要叫呢一个炖牛面肉超级超级腍
首先我要赞一赞佢嘅服务，因为今次睇戏我个时间一改再改，原本book咗6:30后尾我打电话去改到七点佢都冇问题，到睇完戏之后发觉赶唔切时间过去谂住取消Booking，佢话可以继续帮我留枱，所以最后见佢一个咁好嘅服务，我哋就去返呢间食。
佢个Menu其实系有中英对照嘅，不过，唔知系咪佢嘅special set太赶时间推出，所以就冇中英对照。
原本，我哋谂住嗌两个set然后再加散叫，点知佢话如果要叫set嘅话就全枱人都叫set 。
咁我建议大家如果人多嘅话其实叫set系OK嘅，因为佢个set其实个款式都几多，咁你每人叫一款咁share食咁大家都可以试到唔同嘅口味。
个set你可以有前菜小食主菜仲有个甜品咁佢西班牙嘅水果酒，如果叫埋嘅话就加$130就有得饮啦。
嘢食呢我就唔逐一介绍啦。但系我就想推介几款第一个系佢个香蒜虾，佢个虾系超级爽口，跟住有啲蒜香同埋辣辣地嘅味好似激味蕾，佢个青口呢虽然有少少沙，但系佢个汁再加埋啲面包食系一流㗎。如果喜欢青辣椒仔嘅话其实可以叫嚟试吓，我见我三个朋友都食得津津有味。去到主菜大家一定要叫呢一个炖牛面肉超级超级腍，仲有个乳猪都非常好食，佢个汁唔会话好咸，仲有少少类似苹果蓉咁嘅味食落去好fresh。咁呢间餐厅如果你庆祝生日嘅话呢侍应们系会捧住个甜品送去你个位唱生日歌，仲会送返张即影即有相俾你㖭。
张贴
