影片
更多
2016-07-01
2832 浏览
海胆热潮一浪接一浪，听讲呢度有成板海胆捞饭食，价钱大约100蚊，好似几吸引～就去试下。小店好近地铁站，一出就到，不过小心附近有啲棚架。门外有店员整紧烧物，加上舖头嘅装修都算有日本风味。叫左必点嘅海胆饭，再加几个小食。海胆饭秒速送上～泥之前做左功课，啲人建议摊一摊，等佢无咁冰，会好食啲。同朋友影住相等嘅时候，话咁快其他小食就陆续上枱，反正都未开餐，先由甜甜地嘅烧菠萝倒序咁食。菠萝表面带微焦，咬落香甜多汁，仲几厚身下，算唔错。烧秋葵呢个贪得意试下，表面有啲烧汁痴住，然后入面就系秋葵本身嘅甘味，仲有少少爽脆，但都系觉得捞麻酱好食啲～等得差唔多，捞一捞个蛋黄先，同海胆一样金黄色，用紫菜好似军舰咁包住啲饭，饭面放海胆，「唔～好软绵绵啲海胆」果然要摊一摊。店员话啲海胆系韩国泥嘅，无腥味，都无怪味㖞，海胆味虽然唔系太浓郁，但食得出个甜味，尚算鲜甜，对比前两样烧物，较有惊喜。而且食法多样，包紫菜得，唔包又得，就咁食海胆得，点少少wasabi食又得，每一啖都可以唔同食法，玩得开心自然食得满足～最后以三文鱼烧饭团作结，呈冬甩形状，有啲特式，唔食得都睇得～摆入口，「点解咁嘅！点解无味嘅！」唔系～～～表面有汁
小店好近地铁站，一出就到，不过小心附近有啲棚架。门外有店员整紧烧物，加上舖头嘅装修都算有日本风味。
叫左必点嘅海胆饭，再加几个小食。海胆饭秒速送上～泥之前做左功课，啲人建议摊一摊，等佢无咁冰，会好食啲。
同朋友影住相等嘅时候，话咁快其他小食就陆续上枱，反正都未开餐，先由甜甜地嘅烧菠萝倒序咁食。菠萝表面带微焦，咬落香甜多汁，仲几厚身下，算唔错。
烧秋葵呢个贪得意试下，表面有啲烧汁痴住，然后入面就系秋葵本身嘅甘味，仲有少少爽脆，但都系觉得捞麻酱好食啲～
等得差唔多，捞一捞个蛋黄先，同海胆一样金黄色，用紫菜好似军舰咁包住啲饭，饭面放海胆，「唔～好软绵绵啲海胆」果然要摊一摊。
店员话啲海胆系韩国泥嘅，无腥味，都无怪味㖞，海胆味虽然唔系太浓郁，但食得出个甜味，尚算鲜甜，对比前两样烧物，较有惊喜。而且食法多样，包紫菜得，唔包又得，就咁食海胆得，点少少wasabi食又得，每一啖都可以唔同食法，玩得开心自然食得满足～
最后以三文鱼烧饭团作结，呈冬甩形状，有啲特式，唔食得都睇得～摆入口，「点解咁嘅！点解无味嘅！」唔系～～～表面有汁果层都几好味嘅，有炭烤嘅味道，焦焦地脆脆地，如果可以多啲汁去烧会更好。
总结呢个日式小店，海胆唔错，烧物相对普通，整体味道ok。bar枱位好自成一角，带少少日本风味，而最赞嘅地方系唔加一～
张贴
