L1fe Café (已結業)

之前睇过报导，一直都好想去食。去到店员会主动介绍餐牌，煮法口感都介绍得几详尽。我同朋友两个人食左两个主菜都已经好饱。细食嘅话，可考虑一主菜同一前菜。————————————————🐮 胶牛嘴边肉, $188（4/5）简单啲嚟讲就系炆牛面肉。因为用左运动量大嘅牛面肌肉，食落胶质感重，富牛味，亦无其他部位咁肥腻，而且口感软腍，基本上用叉都切得开。就咁食可能会少少重味，加埋薯蓉食就啱啱好。🐷阿肥个脆皮肚, $158（3/5）呢个系系低温慢煮嘅五花腩，感觉佢同Gordon Ramsay 喺 F Word 整𠮶个有啲似。表皮香脆，有丰富嘅香料味，侧边仲有酸酸甜甜嘅苹果蓉解腻，不过个人认为肉有少少干，切嘅时候有少少皮肉分离，所以我都系钟意牛面肉多啲。🥤出心出力水果茶, $38 (3.5/5)水果茶由小店自家炒嘅菠萝酱制成，唔系好似其他店咁加糖浆，可以话真”出心出力”。饮落系水果清新嘅甜味，而唔系死甜。