將軍拉麵 (已結業)

约咗小丽出旺角食饭，小丽系拉面痴，为咗就佢嘅口味，当然系食拉面啦。佢带我咗去一间好有日式风味的小店，入面唔算大，厨房系半开放式。我哋点咗噌将军同金将军，噌将军睇个名就知系味噌汤底，汤底嘅味道好浓，日式叉烧肥瘦分布均匀；而金将军闻落去有好香咖喱味，但食落口唔会好辣，鸡肉都好嫩滑；两碗拉面嘅份量都好足够，面条亦都弹牙；至于个小食，芥末炸鸡，原来系鸡翼，再整成单骨鸡翼咁炸，外层炸得香脆，入面保留到肉汁，再配埋佢另上嘅芥末酱，绝对系一流嘅小食。