宏 (已結業)

系红磡生活左一段时间，一直都唔知原来主打抹茶甜品嘅 宏 ，系红磡有分店。今日同母亲大人行黄埔行到2点钟，见肚饿经过就入左去试试。大鳗鱼饭套餐钟意食鳗鱼嘅母亲大人，见到餐牌有鳗鱼饭，谂都无谂就叫左。套餐除左鳗鱼饭，仲有一客开胃沙律，蛋卷同海藻乌冬。鳗鱼肉质好稔，有入口即溶感觉，亦到好厚切，配上鳗鱼汁捞上日本米一流。和风玉子海藻意粉比较爱冷面嘅我就拣左呢个套餐，海藻面好弹牙，大爱呢个口感。套餐配有2个加州卷，沙律同蛋卷。跟餐嘅大芝麻蛋麻，果然名不虚传，食到沙沙芝麻，出色！鳗鱼饭就配小蛋卷，抹茶味浓郁，忌廉软滑而不腻，可以再战！食完跟餐个2个蛋卷，我地都唔够喉，唯有再另叫一个草莓蛋卷，蛋香十足，不过都系抹茶同芝麻比较特别比较出色。抹茶芭菲抹茶雪糕，配上抹茶麻糬，抹茶啫喱，蛋糕，粟米片和忌廉，配料十足！抹茶雪糕够浓郁，一球绝对不够我俩争食，宏的抹茶甜品是挻出色的。