Mo Mo Kushiage (已結業)

厚福街出名楼上餐厅多，星期六中午想食好少少，就上咗呢间日本餐厅试一试。听闻呢间食串烧系佢哋最拿手嘅。今日就叫咗两个定食，同埋几串串烧试一试佢。串扬鸡肉定食，有四串鸡肉棒串烧。师傅放上4种不同酱汁，令鸡肉有4种唔同味道。定食里边有南瓜沙律、泡菜、面豉汤、白饭一碗。另外一个系蒲烧鳗鱼定食，鳗鱼烧得好香好脆，鳗鱼汁亦都唔系好咸。串烧方面我哋叫咗鸡肾同鸡心。鸡肾好爽口好烟靭。鸡心都系第一食，原来一啲都唔油腻。芝士安格斯牛柳，炸浆加芝士初时都几担心会好油腻，但原来又几夹架㖞。职员仲递上一个佢哋秘制嘅酱汁，酸酸甜甜好好味。最后上埋个大虎虾同黄金免治鸡肉棒，随碟会附上一碟日本生鸡蛋配豉油。搅匀之后沾免治鸡肉棒，味道非常之咁好味。大虎虾佢地会炸埋个虾头比你食，记得要食埋，因为真系好香虾羔味。成餐饭配上一杯大啤加一杯梅酒，过左一个非常愉快嘅weekend。