日本清酒藏所

营业中

休息中

好快就系闺蜜出嫁几大日子，所以我地几个姊妹book左呢间日式餐厅搞翻个party，顺便聚会。呢间餐厅主打高质清酒，而且有好多刺身任食。由地铁站去只系几分钟路程，十分方便。入面嘅灯光充满气氛，装修几有特色 👍🏻【杂菌炒鲍鱼】够锅气，鲍鱼肉厚鲜美。🌼【天妇罗盛合】好脆好多，摆盘精致。🌼【盐烧阿波尾鸡翼】鸡翼超鲜味，外皮好重油香！🌼【鱼干盛盒】软硬适中；可以一边饮酒一边食。🌼【寿司四贯】=深海池鱼+甜虾 配新鲜虾膏+拖罗右+口鱼肩，滋味满载。🌼【脆辣吞拿鱼腩蓉反卷】吞拿鱼腩非常脆口，汁酱味道同肉匹配。🌼【藏所海胆杯】唔会太咸，海胆新鲜。今次体验唔错，清酒，啤酒，梅酒，烧酎等等都好容易入口。见餐牌仲有好多其他美食，下次约埋朋友再黎食其他食物先！