一樂小鍋 (已結業)

红菜头面+金菇+贡丸+牛腩红菜头面好特别，而且够哂烟韧又有淡淡红菜头味，够清新又同车仔面既𩠌好夹。贡丸好弹牙同埋菇味好浓，牛腩炆得好淋而牛味又重。重点系个五香腩汁汤底，好香牛腩味而且唔油又够味，似系出面牛腩舖既汤头，好有惊喜!上海幼面+牛腩+猪肠+鱼腐汤底基本上都一样但就加多咗两羹辣椒油，因为我食得辣所以个辣味对我嚟讲唔会好劲，但反而系令到成个面层次更加丰富。猪肠系有用卤水腌过所以好入味，猪肠味好浓好特别，至于鱼腐就一般。 反而冻奶茶都好饮，应该系用咗蔗糖所以甜味既感觉好特别，加埋奶同浓既茶底，成杯奶茶都好出色!