叉太郎 (已結業)

湾仔油站过条马路就系叉太郎，今日落雨天色较暗，更显店舖光鲜。墙身有图文并茂既招牌，非常清楚。选左必食既招牌叉烧配健康既藜麦饭($55)，睇落以为细细兜，但食落发现叉烧超多，肥瘦适中，啖啖肉。藜麦饭份量亦多，粒粒圆碌碌。兜饭关好仲会贴个贴纸封实，包保唔会漏汁。竹笙浸有机时蔬，应该冇味精，竹笙爽口。因为钟意浓味少少，自行加多两粒盐，味道再出D。太郎美颜虫草鸡汤，材料超级多，虫草花肥美。橘机叉烧($38)，个酱系好似柚子蜜既质感，但系橙味，仲见到有d果肉，真材实料。叉烧同招牌款一样出色。见到都有人用foodpanda点餐自取，非常方便。下次都可以试下!