炯記餐室

营业中

休息中

終於有機會過嚟長沙灣食佢哋嘅叉燒！之前已經聽講好出名 所以一坐低就即刻叫咗秘製醬叉燒腩。佢哋例牌嘅份量都幾多，夠食兩個人。重點係真係肥瘦一半一半，而且叉燒邊整得入味，真係食到靚過街嘅貨色，係出色嘅靚叉燒嚟！另外嗌咗兩碟手撕雞腸粉，一個鹽焗雞味，一個口水雞味。手撕雞係凍上，腸粉係熱上。建議大家可以嗌口水雞味，辣辣地鹹鹹地幾好食。份量都幾多，本身諗住當小食，點知都食到飽晒唔使食咁多主菜。然後就係蔥油香茅雞翼炒公仔麵，雞翼整得出色。啱啱炸完就上碟，所以仲feel到好熱好脆口。而公仔麵冇咁熱嘅，伴蔥油係側邊俾你自己撈。食到好飽額外再加要多杯嘢飲，係阿華田燕麥凍飲。上面有啲燕麥粉，撈埋杯阿華田飲得幾開心。整體嚟講份量好足，完全唔慳皮，而且有啲嘢食係即叫即做即上，熱辣辣仲係脆口嘅加咗好多分。另外環境都好舒服好靚，新裝修嘅，比起普通茶餐廳靚好多，值得大家入去坐吓食吓。