尚青商號 (已搬遷) 新店位置

每次午饭时间经过都大排长龙，人龙经常沿楼梯排到地面。今次星期六晚再来，果然唔需要等大耐。每款食物都好好味，价钱又唔贵。红烧半筋半肉牛肉面（$78）汤底浓郁又好味，牛筋牛肉都忟得入味又够淋，附上油条及酸菜，味道好夹。必食推介！手工香菇木耳鸡肉饺（$58/十只）抵食之选。大大只好足料，点酱汁食好好味。胚芽奶茶（$24）奶味浓，胚芽饮落感觉健康。芋圆甜汤（$34）芋圆烟烟韧韧，食出淡淡的芋香，甜度适中。