蝦魂

营业中

休息中

去开新都城行街，见到呢间拉面店新开，喺门外已经闻到好香嘅虾汤味，所以决定入去试吓，餐厅嘅人流都几多，但好彩唔使排队好快就入到去。虾红汤拉面汤底用咗几款虾熬制而成，包括有龙虾、虎虾、阿根延红虾、日本樱花虾等，每日新鲜熬煮4小时，自家秘制的虾油酱简直为碗拉面画龙点睛一样，非常浓郁而惹味嘅虾味，仲可以额外加自家制辣虾酱，用嚟点虾食，更添风味，而拉面够晒弹牙，满布小麦粒。虎虾干海味炊饭除咗拉面，仲有一款炊饭可以选择，饭底用干贝、日本花菇、虎虾干一齐煮，令让饭吸收哂海鲜既鲜味，配合慢煮鸡胸肉、樱花虾、糖心蛋、紫菜再淋上自家调制鲣鱼昆布酱汁，非常鲜味。另外仲可以选择虾汤或者鸡白汤，鸡白汤非常浓郁而且鲜味，阵阵嘅鸡汤配合炊饭一齐食，非常之夹。花雕酒渍新鲜鲍鱼小食方面选择都唔少，新鲜鲍鱼用上花雕酒浸渍，酒味唔会好呛口，鲍鱼弹牙好容易咬开。自家制阿根廷红虾鸡肉饺子呢款饺子非常特别，喺餐厅自家制嘅出品，用上阿根廷红虾同鸡肉做馅料，再点上柚子醋，非常特别。