茶廳 (已結業)

今日去行青衣，其实青衣真系冇咩好野食，今日竟然食到一间几唔错嘅餐厅，以后黎又唔洗烦食咩啦！睇落虽然好似一间普通嘅茶餐厅，原来系卧底藏龙，样样都好有特色又好味，地方又干净企理，服务仲好好添！今次一行叫左三样野，分别有招牌手撕鸡捞面、黑松露炒饭、中式牛柳，招牌手撕鸡捞面用左虾米干、虾米酒、秘制虾米辣椒酱制作，好有怀旧港式捞面嘅味道，手撕鸡亦相当入味，所以食落真系好唔错，食得面就食埋饭，黑松露炒饭其实就系基本嘅炒饭加左黑松露，所以食落多左份松露香，而中式牛柳几大份，果个甜酸汁整得好好味，食哂成碗饭！甜品叫左豆腐雪糕配姜汁炖蛋，雪糕嘅豆腐味确系不错，炖蛋亦充满姜汁，难得好食嘅炖蛋，绝对会再食！