聚友小廚

营业中

休息中

我最喜欢周围发掘新店，今次比我找到间新开冇耐的小厨， 内里装修整齐简洁，重得舒服， 侍应热情介绍当天新鲜海鲜的菜式。我和妈咪一座低就比隔离枱的扇贝吸引住了， 原来今日做特价20蚊只，每人可以叫一只先， 之后想食就原价。咁抵拿拿声蒸左两只啦！果然冇叫错，蒸好来到大大只时间火喉控制得唔错刚刚熟， 底下几多粉丝吸哂鲜甜味。我亦叫左我的最爱酥炸美国桶蚝， 哗炸得香脆，蚝又够哂肥美 yummy 。 剁椒蒸鱼云系妈咪最爱，我点可以唔叫呢！蒸好拎出来时每枱都望住，因卖相实在太吸引了， 我忍唔住手，即食返件，鱼云够入味好滑，底仲要有件滑豆腐，真系估佢唔到。最后我仲叫左 啫啫通菜煲和豉油王炒面， 通菜煲又系冇得输，够哂惹味，有猪肉碎，虾干爆得好香， 炒面唔会过油，镬气一流，今晚和妈咪食得超满足。下次会带成家人一齐来食。