新容記小菜王

营业中

休息中

深水埗不嬲多好嘢食，当然唔少得呢间屹立咗十几年嘅新容记小菜王啦，佢最出名就系烧腩仔🐖，听闻个皮超香脆，今日放假特登晏昼谂住去食，点知个职员话原来晏昼系冇得食㗎，要夜晚先有，咁唯有今次食住小菜先，下次再食过烧腩仔。 小菜款式都有好多，老板介绍咗2个出名嘅小菜比我哋。 容记第一咀：呢个其实即系墨鱼咀，外脆内软，口感爽脆有嚼劲，炸粉唔会太厚，充满椒盐香味，绝对系佐酒小食No.1🍺！ 烧汁牛肉粒炒得好有镬气，牛肉粒鲜嫩多汁，口感细腻，上面晒上好香嘅芝麻粒。每一口牛肉粒都充满住秘制酱汁，非常惹味，送饭一流。配菜炸薯仔亦够稔，外脆内软。 午餐仲送老火靓汤添。