豪記

营业中

休息中

经常听到友人讲豪记出色， 终于有机会试下，豪记系一间地铺小店，唔算起眼，未去过有机会经过左都唔知，多谢友人carry 订枱嘅时候已经写埋菜，齐人等左一阵就有饭开了～黄酒鸡煲，呢个系真心正，先饮啖汤、再食滑鸡、再渌肥牛，成件事好perfect ，汤头具酒香但唔会腻，个牛质素都几高，真心推介。蒜蓉粉丝蒸蛏子皇，呢个基本上就系食食材本身嘅质素，亦系非常之好，厚肉弹牙，正呀～墨鱼饼，老实本身对呢样野无乜期望，但系有惊喜，口感好好又好香口，送酒一流～ 薯仔牛柳粒，佢个牛唔系一般炒咁简单，好似有拖过油咁，个面有啲香脆，好好味~！！炭烧猪颈肉， 呢个都系同平时果啲好唔同，佢系好似椒盐咁，好香口不过有啲咸椒盐鲍鱼，呢个上枱嘅时候有一下谂紧佢系咪上漏左鲍鱼，实情系佢丁晒先做椒盐，加埋腰果同蒜粒，又系不得了～ 食物质素以及性价比方面 其实都几高，绝对可以再战～ 唯一小意见就只系上菜嘅速度有啲慢，我地一路饮住酒等就还好，始终系小店小团队经营真系做到踢晒脚。