九井壽司 (已結業)

收工去MegaBox揾嘢食，行经有一层专卖BB仔野嘅楼层旁边竟然有一间寿司舖，仲要有列车送餐做噱头，就即刻入咗去试吓！舖头食物定价都非常相宜，而且全部食物都会系有列车送上，真系又有得玩又有得食。我同朋友嗌左超过八款寿司，仲有带咗一碗乌冬同两件手卷。首推一定系火炙盐烧鹅肝寿司，第一件送上嘅时候简直吓一跳，因为完全冇谂过块鹅肝竟然系咁大块，超级抵食，所以前后一共带咗三件，所以钟意食鹅肝嘅朋友千祈唔好错过！另外想推介嘅系火炙芝士蟹棒寿司，蟹棒十分大条，配埋芝士一齐食简直系超级夹，好惹味！至于手卷方面，我哋拣咗软壳蟹手卷同埋鳗鱼手卷，手卷唔会只有好少嘅馅，所以食完手卷其实都有啲饱肚。见到隔离枱有嗌一大碗乌冬，所以都想叫黎试吓，最后拣咗猪软骨乌冬，猪软骨煮得非常之淋，而且好入味，乌冬用上赞岐乌冬，烟烟韧韧，亦都唔会有平时乌冬常有嘅酸味，分量亦都十分大碗，好味！总括嚟讲呢间餐厅嘅寿司定价偏低，所以好抵食，而且种类都算多，用料新鲜，份量亦都唔少，餐厅位置可能唔太显眼，但系真系值得专诚去试吓！