La Famille (已搬遷) 新店位置

屋企人生日 今次特意去试一间新嘅蛋糕铺 之前一直都有听朋友介绍呢度嘅戚风蛋糕唔错 有整个既戚风蛋糕又有细件嘅Mini cake 虽然铺面细 但系环境都唔错㗎 仲有几个堂食位添位 可以喺𠮶度即时食都得下次有机会就黎食个petit cake 当下午茶都唔错原个戚风蛋糕选择好多 全部都装饰得好靓好精致 咁我就拣咗佢最钟意嘅抹茶蛋糕 店员好细心咁帮我将蛋糕放入冰袋 而且入面仲有个冰包添 可以俾我保存到返屋企其他味道既蛋糕都好吸引 好想下次试吓另一款柠檬北海道芝士戚风蛋糕而且呢间蛋糕铺好特别就系会送一支银色嘅蜡烛 同个蛋糕好夹抹茶蛋糕果然好惊喜系我哋钟意嘅抹茶味 唔会偏甜 食完又有少少食正宗抹茶嘅回甘味 而且最惊喜系呢个戚风蛋糕真系好高水准 软绵绵 有啲湿润嘅感觉 食落一啲都唔会好干 真系好有口感 而且同抹茶cream好夹 呢度啲cream真系有啲light 食完唔会话腻架 而蛋糕中间嘅原味cream味道同样都唔错㗎 最惊喜系入面有好多好味既抹茶啫喱好味