影片
更多
2022-05-23
78 浏览
再一次到访十十❤️贪佢呢度除咗野食美味之余，环境光猛整洁，够宽落坐得舒适，服务又好，食得开心。😚虾干锅 $198 (配菜每样加$18)真系眼见每枱必点干锅😍 一份有十数只大虾，只只都好大好新鲜。另外配菜仲有莴笋，薯条& 莲藕片，全部都好香口。我另外加咗黑栢叶，黄喉& 百页结。黑栢叶同黄喉最怕就系切太厚/煮过龙，因为会搞到好韧，但呢度一啲都唔会，因为食材够晒新鲜，切得够薄。调味方面直得称赞，唔会太咸，味道岩岩好！而且有个火一路座住加热，一开头心较多汁，一路烘住会慢慢收汁，形成2种风味。一款美食，两种享受。酸菜鱼 $198因为友人想食所以嗌埋🤣 一上菜见到咁大兜我地都吓左一吓，因为我地得2丁人🤣。调味方面都系好抵赞！食得鱼佢系用酸菜带出酸味，无落醋，食落好顺喉，个汤都可以饮埋。同埋鱼肉唔系一般用既鲩鱼片，似鲈鱼黎，鱼肉无骨，好滑，鲜甜。配菜仲有一d薯粉 & 芽菜，索晒汤汁，好好味。我地2条友清晒底。黄金流沙小笼包 $48一笼4粒，粒粒都充满肉汁，微微带有小小蛋黄香，但唔多，似食紧普通鲜肉小笼包，但都好好味。皮薄馅靓，系出色既。如果我可以自己食一笼就更好啦🤪。养生桃胶酒酿丸子 $48又系一大碗
虾干锅 $198 (配菜每样加$18)
真系眼见每枱必点干锅😍 一份有十数只大虾，只只都好大好新鲜。另外配菜仲有莴笋，薯条& 莲藕片，全部都好香口。我另外加咗黑栢叶，黄喉& 百页结。黑栢叶同黄喉最怕就系切太厚/煮过龙，因为会搞到好韧，但呢度一啲都唔会，因为食材够晒新鲜，切得够薄。调味方面直得称赞，唔会太咸，味道岩岩好！而且有个火一路座住加热，一开头心较多汁，一路烘住会慢慢收汁，形成2种风味。一款美食，两种享受。
酸菜鱼 $198
因为友人想食所以嗌埋🤣 一上菜见到咁大兜我地都吓左一吓，因为我地得2丁人🤣。调味方面都系好抵赞！食得鱼佢系用酸菜带出酸味，无落醋，食落好顺喉，个汤都可以饮埋。同埋鱼肉唔系一般用既鲩鱼片，似鲈鱼黎，鱼肉无骨，好滑，鲜甜。配菜仲有一d薯粉 & 芽菜，索晒汤汁，好好味。我地2条友清晒底。
黄金流沙小笼包 $48
一笼4粒，粒粒都充满肉汁，微微带有小小蛋黄香，但唔多，似食紧普通鲜肉小笼包，但都好好味。皮薄馅靓，系出色既。如果我可以自己食一笼就更好啦🤪。
养生桃胶酒酿丸子 $48
又系一大碗😂。用左桂花，桃胶去烹煮，好香呀。食完辣野浓味野再食佢，真系好fresh，好解油腻。有桃胶既关系，望落好似好杰咁，但食唔会，只会觉得好滑好顺口。桂花香味浓，可以逼走擗走较为浓烈既米酒味，留返淡淡既酒香。丸子烟韧唔太淋，食落唔会一口粉，开头就咁试个糖水会觉得甜左小小，但因为丸子本身无味，所以配埋就岩岩好。
张贴
