Go Inside Kitchen (已結業)

星期日同女朋友去APM睇戲行街之後,專程去附近既工廠大廈搵野食。係時運工業大廈搵到呢間Go Inside Kitchen 雖然係工廈.但餐廳環境好靚好乾淨,餐廳有個露台,好舒適,岩晒食完野出黎坐底飲下野欣賞下觀塘既夜景。雞肉田園沙律,雞肉都有好多粒,沙律菜配上黑醋汁幾開胃附送精選餐湯及餐包個蒜蓉法包烤得好脆黑松露蜜糖烤雞翼,有成六隻,雞翼皮脆肉嫩,食得出好重既蜜糖味,非常唔錯。黑松露帶子闊條麵,帶子大大粒,闊條麵同黑松露白汁溶為一體,每一條都食到好香既黑松露味。12吋既煙三文魚焗芝士薄餅,女朋友超鐘意芝士,拎起PIZZA時可以見到長長既芝士絲,落料十足。甜品：藍莓芝士蛋糕，賣相好靚，藍莓味好香濃。