Sodam Chicken (已結業)

一向钟意食韩式炸鸡，大大话话我都食过4 5间，今日同FD出铜锣湾决定再试试未去过既，所以就黎左呢到喇。我地3个人叫左一款炸鸡一款焗鸡，先黎系双重芝士炸鸡 $175, 呢款炸鸡有两款芝士粉系面，一款甜D，一款芝士味浓D，各有特色。至于炸鸡皮都几脆，鸡肉都嫩滑，整体黎讲都唔错。  至于首尔风味焗鸡 蒜蓉芝士酱 $158 鸡肉都嫩滑，不过就有少少焗到偏干身，所以要点蒜蓉芝士酱先好味。  另外我地仲叫左个牛肉部队锅 $280, 呢个锅都真系几足料，牛肉系肥牛黎，都唔鞋肉质几好，另外仲有年糕，丸类，饺子等，而拉面都好烟韧，唔会太淋。 整体黎讲我觉得呢到既炸鸡系出色过焗鸡，但Overall都唔错，可以之后再黎食。