十十川滬料理 (已結業)

今晚同老婆去旺角食饭，近近地地铁站就去朗豪坊觅食，去到四楼行过呢间十十川沪料理，就比佢既晚市二人干窝套餐吸引左入去！其实呢间餐厅散点都有好多选择，但都系拣左套餐，虽然系写二人套餐，但食物相当丰富，一定可以捧腹而归！凉菜五拣二凉伴莴笋丝切到幼幼地好爽口，酸辣小木耳辣辣地好味之余仲好开胃！杂锦小笼包四款四色既小笼包，黄色既馅系咸蛋黄同埋猪肉，红色系麻辣味既，绿色系酸菜鱼汤，全部都皮薄多汁，必食之选主角系呢个黑毛猪腩肉锅，有炉火保持热力，配料有莴笋、莲藕、薯条、水晶粉同埋支竹，香辣惹味，配料连莲藕都入味，黑毛猪腩爽口唔肥，非常够份量，而且仲有两碗白饭加两杯大大杯既饮品，性价比相当之高，下次揾够四人食佢既四人套餐