十三少 (已結業)

好多年冇黎乐富广场，原来开咗好多餐厅，其中一间就系今日嘅美味推介～十三少~佢系主打酸菜鱼，最正就系啖啖鱼肉，而且其他小菜都好出色，而且价钱抵食，份量又多🔥🔥推介酸菜鱼大大嚿，汤底超级正，唔系话死咸死辣。而且配料嘅份量都多，每一啖都系又爽又滑嘅鱼肉，净系𠮶碗都成个头咁大，两个人食够晒🤤🤤莴笋超级爽口，配埋啲酸菜送饭一流。前菜系尖椒皮蛋，麻辣汁又开胃，份量适中👍🏻👍🏻另外估唔到口水鸡都几有惊喜，鸡肉煮得嫩口，唔会好鞋，分量都好大碟。另外仲点咗个糍粑，听讲炸完外脆内软，口感烟烟韧韧，终于试到，果然几特别，加埋啲黑糖浆，又有另一番风味🤟🏻总括呢间十三少真心唔错，价钱均真，下次绝对会回头再试。