水門雞飯 (百宜樓) (已結業)

好少同老婆去元朗，完全唔知呢頭有咩好食，咁啱就見到間食水門雞嘅餐廳，就同老婆試吓啦。我叫左個水門雞飯，老婆唔想食飯，就叫左海鮮冬陰功湯金粉，另外加左杯泰式奶茶。老婆嘅湯金粉好辣，不過係辣得好正嘅，因為海鮮數量好足，湯底好正，同埋好大碗，但係佢唔食得辣，我叫比自己嘅泰式奶茶俾佢飲左一半，佢話飲落偏甜，唔會好重奶味，幾啱佢好味，但係有一樣唔好嘅就係用咗塑膠嘅杯。至於我嘅雞飯亦都唔錯，雞已經去骨，雞皮唔會有太多白色嘅脂肪係中間，啲肉唔會有咬唔到嘅情況，仲配左個自家制醬油，都係辣嘅，但係辣嘅程度就我老婆都接受到，甜甜地酸酸地咁，好開胃。其實元朗有好多良心又好食嘅食店，今次比我發掘到呢間，一定大力推介！